ທະນາຄານພົງສະຫວັນ ເປີດບໍລິການສິນເຊື່ອເງິນດ່ວນ

ໃນຕອນບ່າຍຂອງວັນທີ 7 ສິງຫາຜ່ານມານີ້ ຢູ່ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ ທະນາຄານ
ພົງສະຫວັນ ຈຳກັດ ໄດ້ຈັດງານເປີດຕົວຜະລິດຕະພັນໃໝ່ “ການບໍລິການສິນເຊື່ອເງິນດ່ວນ” ຂອງຕົນຂຶ້ນຢ່າງເປັນທາງການ
ໂດຍພາຍໃຕ້ການເປັນປະທານຂອງທ່ານ ອ໊ອດ ພົງສະຫວັນ ຜູ້ອຳນວຍການໃຫຍ່ທະນາຄານພົງສະຫວັນ ຈຳກັດ ເຊິ່ງມີບັນ
ດາແຂກຮັບເຊີນຈາກກະຊວງ ພະແນກການ ແລະ ມວນຊົນອ້ອມຂ້າງນະຄອນຫຼວງເຂົ້າຮ່ວມຢ່າງພ້ອມພຽງ.
ໃນພິທີ ທ່ານ ຈັນເພັງ ຫຼວງສຸວັນນະວົງ ຮອງຜູ້ອຳນວຍການທະນາຄານພົງສະຫວັນ ໄດ້ເປັນກຽດຂຶ້ນໄຂພິທີ
ຢ່າງເປັນທາງການ ເຊິ່ງມີເນື້ອໃນບາງຕອນທ່ານກ່າວວ່າ ຈາກການສຶກສາ ແລະ ການວິໄຈຂອງວິຊາການພາຍໃນ ແລະ
ຕ່າງປະເທດ ກ່ຽວກັບສະພາບການດຳເນີນທຸລະກິດຂະໜາດກາງ ແລະ ນ້ອຍ ຊີ້ໃຫ້ເຫັນວ່າ ຜູ້ປະກອບການທຸລະກິດລາຍ
ຍ່ອຍ ຕະຫຼອດຮອດພະນັກງານຜູ້ມີເງິນເດືອນໜ້ອຍ ແມ່ນມີບັນຫາຄວາມຫຍຸ້ງຍາກຫຼາຍໃນການເຂົ້າຫາແຫຼ່ງທຶນຈາກ
ທະນາຄານ ເພາະວ່າພວກເຂົາເຈົ້າບໍ່ມີຄວາມຮູ້ໃນການປະກອບເອກະສານຂໍເງິນກູ້ ແລະ ມີຫຼັກຊັບຄ້ຳປະກັນບໍ່ພຽງພໍ.
ເພື່ອແກ້ໄຂບັນຫາດັ່ງກ່າວນັ້ນ ທະນາຄານພົງສະຫວັນ ຈຶ່ງໄດ້ພັດທະນາໂຄງການປ່ອຍສິນເຊື່ອລາຍຍ່ອຍຂຶ້ນ
ເຊິ່ງເອີ້ນວ່າ ສິນເຊື່ອເງິນດ່ວນ ເພື່ອຕອບສະໜອງ ພະນັກງານ ທະຫານ ຕຳຫຼວດ ແລະ ຊາວຄ້າຂາຍລາຍຍ່ອຍທີ່ມີຈຸດ
ປະສົງຢາກຂໍກູ້ເງິນ ໄດ້ຮັບບໍລິການດ້ານສິນເຊື່ອທີ່ວ່ອງໄວ ທັນໃຈ ງ່າຍດາຍ ແລະ ເປັນທຳ ພຽງແຕ່ທ່ານປະກອບເອກະ
ສານພ້ອມຂໍ້ມູນທີ່ຈຳເປັນຈຳນວນໜຶ່ງ ເຊິ່ງຄິດໄລ່ອັດຕາດອກເບ້ຍ 1,25% ຕໍ່ເດືອນ ຫຼື 15% ຕໍ່ປີ ໂດຍທີ່ສາມາດເລືອກກູ້ຢືມ
ໄດ້ໃນວົງເງິນ 5 ຫາ 20 ລ້ານກີບ ດ້ວຍວິທີເລືອກຜ່ອນຊຳລະຕົ້ນທຶນເປັນລາຍເດືອນ 3 ເດືອນ 6 ເດືອນ ແລະ ເປັນປີ ທ່ານ
ກໍຈະໄດ້ຮັບການພິຈາລະນາ ແລະ ອະນຸມັດເງິນກູ້ຈາກທະນາຄານພົງສະຫວັນ ພາຍໃນໄລຍະເວລາພຽງ 3 ວັນ.
ສິນເຊື່ອເງິນດ່ວນດັ່ງກ່າວນີ້ ຈະປ່ອຍໃຫ້ຜູ້ທີ່ມີລາຍຮັບເປັນປະຈຳ ມີອາຊີບຄົງທີ່ ຢາກຂະຫຍາຍກິດຈະການ
ຢາກປະກອບທຸລະກິດ ຫຼື ມີຄວາມຈຳເປັນທາງດ້ານການເງິນ ຕ້ອງການເງິນເປັນກ້ອນ ເພື່ອເປັນທຶນການສຶກສາຂອງລູກໆ
ຫຼື ເພື່ອເປົ້າໝາຍໃດໜຶ່ງ ຊຶ່ງຈະມີຜົນຕອບແທນທີ່ດີ ຫຼື ເພື່ອການສ້າງຕໍ່ເຕີມທີ່ພັກພາອາໄສ ແລະ ອື່ນໆ.

About these ads

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s